Поста нет

Прав. Гликерии девы, Новгородской (1522). Перенесение мощей прмч. Макария Каневского, игумена Пинского, Переяславского чудотворца (1688). Сщмчч. Василия, Александра и Христофора пресвитеров, прмч. Макария и мч. Сергия (1922). Мчч. 103 Черкасских (XX).

О́крестъ же стáвшымъ егó ученикóмъ, востáвъ вни́де во грáдъ и наýтрiе изы́де съ Варнáвою въ дéрвiю. Благовѣствовáвша же грáду томý и научи́вша мнóги, возврати́стася въ ли́стру и иконíю и Антiохíю, утверждáюща дýшы ученикóвъ, моля́ща пребы́ти въ вѣ́рѣ, и я́ко мнóгими скорбьми́ подобáетъ нáмъ вни́ти въ цáрствiе Бóжiе. Рукополóжша же и́мъ пресви́теры на вся́ цéркви и помоли́вшася съ постóмъ, предáста и́хъ Гóсподеви, въ негóже увѣ́роваша. И прошéдша писидíю, прiидóста въ памфилíю: и глагóлавша въ пергíи слóво Госпóдне, снидóста во атталíю и оттýду отплы́ста во Антiохíю, отню́дуже бѣ́ста прéдана благодáти Бóжiей въ дѣ́ло, éже скончáста. Пришéдша же и собрáвша цéрковь, сказáста, ели́ка сотвори́ Бóгъ съ ни́ма и я́ко отвéрзе язы́комъ двéрь вѣ́ры.

Когда же ученики собрались около него, он встал и пошел в город, а на другой день удалился с Варнавою в Дервию. Проповедав Евангелие сему городу и приобретя довольно учеников, они обратно проходили Листру, Иконию и Антиохию, утверждая души учеников, увещевая пребывать в вере и поучая, что многими скорбями надлежит нам войти в Царствие Божие. Рукоположив же им пресвитеров к каждой церкви, они помолились с постом и предали их Господу, в Которого уверовали. Потом, пройдя через Писидию, пришли в Памфилию, и, проповедав слово Господне в Пергии, сошли в Атталию; а оттуда отплыли в Антиохию, откуда были преданы благодати Божией на дело, которое и исполнили. Прибыв туда и собрав церковь, они рассказали всё, что сотворил Бог с ними и как Он отверз дверь веры язычникам.

И речé Иисýсъ: на сýдъ áзъ въ мíръ сéй прiидóхъ, да неви́дящiи ви́дятъ, и ви́дящiи слѣ́пи бýдутъ. И слы́шаша от фарисéй сiя́ сýщiи съ ни́мъ, и рѣ́ша емý: едá и мы́ слѣ́пи есмы́? Речé и́мъ Иисýсъ: áще бы́сте слѣ́пи бы́ли, не бы́сте имѣ́ли грѣхá: ны́нѣ же глагóлете, я́ко ви́димъ: грѣ́хъ ýбо вáшъ пребывáетъ. Ами́нь, ами́нь глагóлю вáмъ: не входя́й двéрьми во двóръ óвчiй, но прелáзя и́нудѣ, тóй тáть éсть и разбóйникъ: а входя́й двéрьми пáстырь éсть овцáмъ: семý двéрникъ отверзáетъ, и óвцы глáсъ егó слы́шатъ, и своя́ óвцы глашáетъ по и́мени, и изгóнитъ и́хъ: и егдá своя́ óвцы ижденéтъ, предъ ни́ми хóдитъ: и óвцы по нéмъ и́дутъ, я́ко вѣ́дятъ глáсъ егó: по чуждéмъ же не и́дутъ, но бѣжáтъ от негó, я́ко не знáютъ чуждáго глáса. Сiю́ при́тчу речé и́мъ Иисýсъ: они́ же не разумѣ́ша, чтó бя́ше, я́же глагóлаше и́мъ. Речé же пáки и́мъ Иисýсъ: ами́нь, ами́нь глагóлю вáмъ, я́ко áзъ éсмь двéрь овцáмъ. Вси́, ели́ко и́хъ прiи́де прéжде менé, тáтiе сýть и разбóйницы: но не послýшаша и́хъ óвцы. А́зъ éсмь двéрь: мнóю áще ктó вни́детъ, спасéтся: и вни́детъ и изы́детъ, и пáжить обря́щетъ.

И сказал Иисус: на суд пришел Я в мир сей, чтобы невидящие видели, а видящие стали слепы. Услышав это, некоторые из фарисеев, бывших с Ним, сказали Ему: неужели и мы слепы? Иисус сказал им: если бы вы были слепы, то не имели бы на себе греха; но как вы говорите, что видите, то грех остается на вас. Истинно, истинно говорю вам: кто не дверью входит во двор овчий, но перелазит инуде, тот вор и разбойник; а входящий дверью есть пастырь овцам. Ему придверник отворяет, и овцы слушаются голоса его, и он зовет своих овец по имени и выводит их. И когда выведет своих овец, идет перед ними; а овцы за ним идут, потому что знают голос его. За чужим же не идут, но бегут от него, потому что не знают чужого голоса. Сию притчу сказал им Иисус; но они не поняли, что такое Он говорил им. Итак, опять Иисус сказал им: истинно, истинно говорю вам, что Я дверь овцам. Все, сколько их ни приходило предо Мною, суть воры и разбойники; но овцы не послушали их. Я есмь дверь: кто войдет Мною, тот спасется, и войдет, и выйдет, и пажить найдет.